beim Dokta bin i neile gwesn
im Wartezimma Zeitung glesen
af dUhr gschaut olle fünf Minutn
i hob scha gmoant es waran Stundn
bis endlich Zeit is do für mi
im Gang sitz i mi no moa hi
und wart hoit wieder no a Zeitl
ratsch mit de andan krankn Leitl
damit is wartn net so lang
vom Wartezimma afn Gang
hobs i ja gottseidank scha gschafft
ma glaubts net wos des kost an Kraft......
Nachzulesen in "ernsthaft glocht"